Grind Size Coffee

【希望大家務必㩒入黎睇一睇，救得一個得一個】 間Cafe有樓上坐位，但完全無Staff上黎睇場，叫野食要客人親自落樓下叫佢地上黎。 問Wifi ID同PW個Staff好似好趕時間，因為佢講得好快同細聲，聽都未聽得切就走左，要問佢地第二次，但已經表現得好唔耐煩，如果你講得清晰啲我地都唔使再問多你一次。 樓上坐位有個Corner類似做日式榻榻米，但啲氈應該勁耐無吸過塵或者洗過，會feel到好多碎屑同食物殘渣響表面，衛生環境令人擔憂。 裝修風格相當破舊，擺件格格不入，會見到榻榻米隔離個白色置物架放左部Notebook同Tom & Jerry水晶球，同埋好多吉位，可能真係同Cafe名一樣窮到無錢做裝飾。 食物方面叫左『花雕麻辣鮮蜆意粉』、『慢煮牛面頰肉沙嗲煎腸粉』同『蜜糖酸忌廉炸雞翼』。 當時Staff講個意粉無哂麻辣轉做蒜香，但都無所謂因為意粉同啲汁都係分開味道，估用左牛油黎煮所以油膱味無咁重口。 『慢煮牛面頰肉沙嗲煎腸粉』純粹試伏心態，但真係都幾難食。 首先舊牛面頰肉，因為佢慢煮所以煮得好淋，除左試到油膱味同脂肪就完全沒其他味道可言，舊肉口感勁似用黎煲湯嘅瘦肉，再加埋沙嗲煎腸粉啲油膱味疊加上去，食多幾啖會反胃嘔出黎嘅感覺。 炸雞翼都係一樣好重油膱味，應該係炸得太耐無及時撈上黎。 叫左杯青瓜梳打去解油膱味。 呢堆油膱味餐總共要4百幾蚊港紙。 難怪咁多香港人寧願北上食元素周期表，至少元素周期表啲價格係合理。 其他留言話好食、好舒服果啲評價多數係打手、俾左錢寫稿Foodie同埋味覺有問題或者劣食開嘅人 P.S. 點解要俾咁多星，因為想俾大家知道下

之前喺台灣飲過一次juice Americano, 從此愛上。 香港最近都多左餐廳有賣呢種咖啡，好想搵返果隻味道 見人講呢間cafe幾高質，喺旺角地點方便，一定要試下 叫了一杯mango Americano 同蒜香蝦頭油蝦肉意粉 Mango Americano - 本身想飲orange, 好少見有mango味。不過其實杯野冇忙果味，我覺得就算叫orange Americano 都會係一樣味。 - 事實係有少少失望，果汁味好淡，同我喺台灣飲過嘅差好遠，只係比連鎖店濃味少少 蒜香蝦頭油蝦肉意粉 - 聞到好香蝦頭油味，印象不錯 - 意粉一言難盡。有少少 al dente, 但唔係每條都係。我試過逐條分開食，真係有啲淋啲有啲硬啲😨 我估係分開煮？但其實佢又唔係出面食果啲al dente, 中間係好硬，食到好疑惑。啲意粉仲要係碎嘅😳 所以我傾向相信係食材問題 - 講開食材，啲車厘茄好酸好生，完全唔好食！ 整體我覺得味道係可以，如果肯落本少少，買啲好少少嘅食材，成件事會好好多 而家覺得有少少嘥左

尋日約咗朋友去旺角行街shopping，揀左間趣味十足既cafe食飯，窮撚賣咖啡試左未？當然未試，所以要試吓 🫶🏻荷蘭鬆餅早餐 $148 呢個豐盛早餐包含多種配料，荷蘭鬆餅柔軟而香濃，與香腸、煙肉等搭配，口感極佳。煙三文魚與牛油果結合為整體增添左健康元素 🫶🏻香煎比目魚蕃茄波浪闊麵 $168 比目魚煎至金黃，肉質鮮嫩，搭配濃郁蕃茄與波浪狀既寬麵，令人一啖接一啖，味道十分平衡 🫶🏻 蒜香蜜糖雞翼配甜辣是拉差醬 $68/6隻 雞翼外皮酥脆、肉質多汁，結合蒜香與蜂蜜甜味，十分誘人，口感層次豐富 🫶🏻焦糖燉蛋巴斯克蛋糕 $78 蛋糕表面焦糖化，口感滑溜，既有蛋香，又帶有焦糖香甜，唔會過於甜膩 🫶🏻熱抹茶鮮奶$48 香濃抹茶搭配絲滑鮮奶，恰到好處甜度，飲上一啖令人心情愉悅 🫶🏻 濃爆72%Real朱古力鮮奶$52 濃厚巧克力味道令人陶醉，鮮奶順滑感與巧克力苦甜交融，令人難以抗拒

This cafe is very cosy and they serve really delicious food. The portion of the parma ham burrata cheese salad is so huge with a full burrata cheese. The octopus spaghetti is served with a whole slow-cooked octopus. The sauce is so yummy which is slightly spicy. I have also tried the ricotta cheese sourdough. Different toppings can be chosen to add, and I have tried the smoked salmon with scrambled egg. The combination of ricotta cheese and sourdough is perfect. For drinks, I have ordered a cup of hojicha latte and orange expresso tonic. The flavour of hojicha is rich, while the orange expresso tonic is so refreshing. Overall, the food quality is so good. The environment is great too, quite many seats. Good place to chill and have gatherings with friends.

📍🇭🇰 Grind size 我和男朋友在旺角行街，估唔到行行下見到一間平平無奇的外表的餐廳，出面有個「窮」字閃下閃下咁，望左一陣，原來是間西餐廳，於是我們就入去試下晚餐先！ 一入去就見到有幅大的世界地圖，但由於入面都幾多人，我們被安排到上二樓，上面是有空間的一層，裝修簡單得來又很有格調！「見字飲啡」的字樣很吸引，打卡一流！ 我們兩人點左： - 餐前小食：三文魚他他{HK$78/2件} 這個小食好好食呀！拇指大動！👍🏻👍🏻有柚子醬油漬配上三文魚及牛油果蓉再個底配上炸雲吞皮！好高質的餐前小食呀！ - 主食1 ：黑毛豬叉燒卡邦尼手工扁麵{HK$158} 這個配搭幾創新！叉燒肥瘦適中，以卡邦尼煮法配上他們自家制手工扁麵，味道很夾，很出色！ - 主食2 ：慢煮牛面頰肉沙嗲手工扁麵 {HK$158} 至於呢樣比較辣，如果你喜歡食辣的話，呢個絕對值得一試！沙嗲味很濃再配上牛頰肉，帶出中西合璧的融合菜-「沙嗲牛麵」！🤣🤣 - 飲品 - 凍美式咖啡 {HK$40}：入口後，咖啡的餘香很強勁，好飲！ - 熱濃爆72%Real朱古力鮮奶{HK$52}：中意飲朱古力的你，一定很喜歡這杯特濃朱古力特飲！ 食完以上，已經很飽，雖然看到甜品款式很吸引，但已食濟了，唯有下次再來食過先！

👍🏻讚 明太子蟹籽手卷粉好食～ 因為足料所以勁濃味個粉煙煙韌韌 八爪魚好爽唔會韌 份量巨大🤭🤭 🙈彈 - 雞翼炸得唔算脆 少少油 - 墨汁意粉海鮮味唔算特別出但ok 👌🏻 - 朱古力味道都唔算太甜幾好 - 橙tonic不過不失～

鍾意食Cafe但又驚太細份唔飽嘅朋友仔 一定要去旺角呢間cafe 大碟又好味 必定會食過返尋味❤️ - 🔸明太籽蟹肉西班牙蛋餅（$108） 蛋餅煎得金黃香口 一切落去餡料爆瀉😍 入口有蟹肉同明太籽嘅鮮味 又有蛋香 🔸花雕麻辣蜆肉意粉（$138） 大推愛辣嘅朋友仔必試😋 麻感好重又有辣香 堅好味🩷🩷🩷 而蜆肉粒粒都肥美無砂 好高質 🔸慢煮黑毛豬叉燒手工扁麵（$158） 扁意粉掛滿卡邦尼蛋汁，超正👍🏻 搭配慢煮嘅黑毛豬叉燒 大大塊好有咬口肉質鮮嫩 加上醬汁香甜 好惹味呀！ 🔸蜜糖檸檬烏龍soda（$48） 蜜糖味比較突出🍯 幾清甜 🔸72%朱古力（$56） 朱古力口感濃厚 每啖都好種朱古力味 但又唔會好苦 身為朱古力迷超鍾意

Fd 介紹話 Mk 有間 cafe 好好 hea ，去開交收就走過嚟試下。門面好吸睛，有2層，揀左上層坐梳化，好 relax~ 啤酒黑松露醬薯條$78 見到有薯條係一定會叫既，無他，我哋2個既 comfort food。份量都唔細，熱辣辣，配埋黑松露醬話咁易就 K.O. 。 慢煮原條八爪魚墨汁香辣意粉$188 一上枱見到好大條八爪魚! 八爪魚好彈牙唔靭，意粉好 al dente，墨汁帶微辣，仲有車厘茄加添少許酸味，雖然份量大但食哂一碟無難度。 香煎帶子明太子手捲粉$148 帶子煎得岩岩好，手捲粉彈性非常好，咬落煙韌，掛汁一流，配合帶蒜辣嘅明太子醬，食到停唔到口。 濃爆72％ REAL朱古力鮮奶$76 真係好濃郁既朱古力味，有朱古力碎，，有關唔甜，飲落又好順滑無漿口。 玄米茶鮮奶$46 見到坊間少有既玄米茶鮮奶就叫嚟試下，上枱造型打卡一流又實用，自己想要幾甜自己話事，飲落茶香帶回甘，不錯。